【关注】༄༅།།རང་རྫོང་གིས་ཁེ་ལས་ཁག་གི་འཕེལ་རྒྱས་ལ་སྐུལ་འདེད་བཏང་བ།
ཟླ་5པའི་ཚེས་5ཉིན་ནས་ཚེས་7་བར། རྫོང་ཨུའི་ཧྲུའུ་ཅི་གཞོན་པ་རྫོང་དཔོན་ཏེང་ཅན་ཀོང་གིས་རུ་ཁག་གི་སྣེ་ཁྲིད་དེ་མི་བྱེད་པ་བཞི་དང་ཐད་ཀར་གཉིས་སོགས་ཀྱི་བྱེད་ཐབས་སྤྱད་དེ། ཤྭ་རྭ་ཐང་གྲོང་རྡལ་གྱི་དགུན་དཔྱིད་ཀྱི་སྔོ་ཚལ་མཁོ་སྤྲོད་འགན་ལེན་རྟེན་གཞི་དང་། ཧྲེང་ཧོང་ཞིང་ལས་དང་། གངས་ལྗོངས་འོ་སེ་ཚད་ཡོད་འགན་འཁྲི་ཀུང་སི། ཤྭ་རྭ་ཐང་ཟམ་ཆེན། ཚུར་ནང་ཡུལ་སྐོར་རྨང་གཞིའི་སྒྲིག་བཀོད། གྲུ་ཚང་སྨན་ཁང་འཛུགས་སྐྲུན། ཚ་མདའ་ཡི་བྱེ་མ་ར་བ་དང་མ་ལག་ཆ་ཚང་ཚོང་འབྲེལ་འཛུགས་སྐྲུན་རྣམ་གྲངས། ནོར་ཆུང་གི་བྱེ་མ་ར་བ་དང་དེ་བཞིན་མ་ལག་ཆ་ཚང་ཚོང་འབྲེལ་འཛུགས་སྐྲུན་རྣམ་གྲངས། ཕྱུགས་རིགས་དམིགས་འཛུགས་གཅིག་སྡུད་བཤས་ར། འབྲི་གཡག་ཐོན་ལས་འདུ་འཛོམས་གསོ་སྐྱོང་ལྟེ་གནས་སོགས་རྣམ་གྲངས་ཁག་ལ་སྐུལ་འདེད་བཏང་ཚུལ། རྣམ་གྲངས་འཛུགས་སྐྲུན་བྱ་ཡུལ་དང་། ལས་གྲྭ་ཐོན་སྐྱེད་བྱེད་འགོ་ཚུགས་པ། བདེ་འཇགས་ཐོན་སྐྱེད། རིམས་ནད་སྔོན་འགོག་ཚོད་འཛིན་སོགས་ཀྱི་འབྲེལ་ཡོད་ལས་དོན་ལ་ལྟ་ཞིབ་ཞིབ་ཕྲ་བྱས་པ་དང་འབྲེལ།མིག་སྔར་ཁེ་ལས་འཕེལ་རྒྱས་ཐད་ལྷག་པའི་གནད་དོན་དང་དཀའ་ངལ་ཤེས་རྟོགས་བྱེད་དགོས་པ་དང་། ཁེ་ལས་ལ་རོགས་རམ་བྱས་ཏེ་འཕེལ་རྒྱས་ཁྲོད་ཀྱི་འགག་གནད་དང་། དཀའ་གནད། ཟུག་གནད་སོགས་ཀྱི་གནད་དོན་གཤོང་ཐབས་བྱེད་པ་དང་། ཁེ་ལས་ཀྱིས་ངར་ཤུགས་གཅིག་སྒྲིམ་དང་། འཕེལ་རྒྱས་མགྱོགས་སུ་གཏོང་བར་བསྔགས་སྐུལ་བྱས་ཏེ། འཕེལ་རྒྱས་དང་། རིམས་འགོག བདེ་འཇགས་བཅས་གསུམ་ག་མི་ཤོར་བའི་འགན་ལེན་བྱེད་དགོས།
བརྟག་ཞིབ་བྱེད་རིང་ཏེང་ཅན་ཀོང་གིས་བཟོ་ཁང་དང་། འཁོར་ཁང་། གནས་ཚུལ་རྩད་ཆོད་མཐའ་གསལ་སོགས་ཀྱི་བྱེད་ཐབས་བརྒྱུད་ཁེ་ལས་རྣམ་གྲངས་ཀྱི་འགན་འཁུར་བ་དང་ངོ་ཐུག་གདོང་འཕྲད་ངང་སྤེལ་རེས་བྱས་ཏེ་འབྲེལ་ཡོད་ཁེ་ལས་ཀྱིས་ངེས་པར་དུ་ཁྲིམས་མཐུན་གཉེར་སྐྱོང་དང་། ཁྲིམས་ལྟར་ཁྲལ་འཇལ། སྤུས་ཚད་འགན་ལེན་བཅས་བྱེད་དགོས་པའི་བླང་བྱ་བཏོན་པ་རེད། རྣམ་གྲངས་སྐུལ་སྤེལ་གཏོང་བའི་བརྒྱུད་རིམ་ནང་འཕྲད་པའི་དཀའ་ངལ་དང་གནད་དོན་ཐག་གཅོད་བྱེད་ཐབས་ལ་ཞིབ་ཕྲའི་བླང་བྱ་བཏོན་ཡོད།
ཏེང་ཅན་ཀོང་གིས་ནན་གྱིས་བསྟན་དོན། གཅིག་ནས་ཨར་སྐྲུན་ཁེ་ལས་ཁག་གིས་བདེ་འཇགས་ཐོན་སྐྱེད་དང་རིམས་ནད་སྔོན་འགོག་ཚོད་འཛིན་ལ་གཅིག་འདོམས་ཡག་པོ་བྱ་རྒྱུ་དེ་ལས་འགན་ཨང་དང་པོར་བརྩིས་ནས་ལས་རིགས་ཀྱི་རིམས་ནད་སྔོན་འགོག་ཚོད་འཛིན་དང་བདེ་འཇགས་ཐོན་སྐྱེད་ལས་དོན་ཏན་ཏིག་དང་ཁྱོན་ཡོངས་ནས་ཡག་པོ་སྒྲུབ་དགོས།
གཉིས་ནས་འགན་འཁྲི་འཁུར་སེམས་དང་དགོས་གཏུགས་ཀྱི་བསམ་པ་སྔར་བས་ཆེ་རུ་བཏང་ནས་སྤུས་ཚད་དང་བདེ་འཇགས་འགན་ལེན་བྱེད་པའི་སྔོན་འགྲོའི་ཆ་རྐྱེན་འོག་ལས་ཡུན་ལྡོག་སྒྲིག་དང་། མིག་སྔའི་ཨར་སྐྲུན་གྱི་གོ་སྐབས་བཟང་པོ་དམ་འཛིན་བྱས་ཏེ་ནུས་ཤུགས་ཡོད་རྒུས་རྣམ་གྲངས་འཛུགས་སྐྲུན་བྱེད་མགྱོགས་སུ་བཏང་ནས་རྣམ་གྲངས་ལ་སྐུལ་འདེད་གཏོང་རྒྱུར་འཆར་གཞི་ཡོད་པ་དང་། མྱུར་ཚད་ཡོད་པ། གཟུགས་བརྙན་ཡོད་པ་བཅས་ཀྱི་འགན་ལེན་བྱས་ཏེ་སྔ་ཙམ་ལས་མཇུག་འགྲིལ་བ་དང་། སྔ་ཙམ་ནས་ཐོན་སྐྱེད་བྱེད་འགོ་ཚུགས་པ། སྔ་ཙམ་ནས་ཕན་འབྲས་ཐོན་པ་བཅས་བྱེད་དགོས།
ཏེང་ཅན་ཀོང་གིས་བླང་བྱ་བཏོན་པར།
འབྲེལ་ཡོད་ཚན་པ་ཁག་གིས་རང་འགུལ་ངང་མདུན་གྲལ་དུ་སོང་ནས་ཞབས་འདེགས་ཞུ་དགོས་པ་དང་། འགན་འཁྲིའི་འདུ་ཤེས་དང་ཞབས་ཞུའི་འདུ་ཤེས་སྔར་བས་ཆེ་རུ་གཏོང་བ། མཐུན་སྦྱོར་འབྲེལ་གཏུག་ལ་ཤུགས་སྣོན་རྒྱག་པ། ཁེ་ལས་ལ་ཞབས་འདེགས་ཞུ་བའི་གློ་ཉེ་བ་ཡག་པོ་ཞིག་བྱེད་པ་དང་། ཐབས་བརྒྱ་ཇུས་སྟོང་ངང་རྒྱུ་རྐྱེན་གཙོ་བོའི་འགན་ལེན་ལ་ཤུགས་སྣོན་རྒྱག་པ་དང་ཚོང་གཉེར་ཁོར་ཡུག་ལེགས་སུ་གཏོང་བ་བཅས་བྱས་ནས་ཁེ་ལས་སྤུས་ཚད་མཐོ་ལ་ཕན་འབྲས་ལྡན་པའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་དགོས་ཞེས་གསུངས་པ་རེད།
ཁེ་ལས་ཁག་གིས་ལས་བཟོའི་བདེ་འཇགས་སློབ་གསོའི་གསོ་སྦྱོང་ལ་སྔར་བས་ཤུགས་སྣོན་རྒྱག་པ་དང་། ལས་བཟོའི་བདེ་འཇགས་འདུ་ཤེས་ཟབ་ཏུ་གཏོང་བ། བདེ་འཇགས་ལས་འཛོལ་མི་ཐོན་པའི་མ་མཐའི་མཚམས་ཐིག་མཐའ་གཅིག་ཏུ་བསྲུངས་ནས་ཨར་ལས་ཀྱི་བདེ་འཇགས་དང་སྤུས་ཚད་འགན་ལེན་བྱེད་པའི་སྔོན་འགྲོའི་ཆ་རྐྱེན་འོག་ནུས་ཤུགས་ཡོད་རྒུས་རྣམ་གྲངས་འཛུགས་སྐྲུན་གྱི་འཕེལ་རིམ་མགྱོགས་སུ་བཏང་སྟེ་བྲག་འགོའི་དཔལ་འབྱོར་དང་སྤྱི་ཚོགས་སྤུས་ཚད་མཐོན་པོའི་ངང་འཕེལ་རྒྱས་འགྲོ་རྒྱུར་ལེགས་སྐྱེས་འབུལ་དགོས་ཞེས་གསུངས་པ་རེད།
རྫོང་ཨུའི་རྒྱུན་ཨུ་རྒྱུན་ལས་རྫོང་དཔོན་གཞོན་པ་ལི་ཧྥུང་དང་། རྫོང་སྲིད་གཞུང་གི་རྫོང་དཔོན་གཞོན་པ་ཝང་དབྱིང་རུང་དང་། བུ་རྡོ། རྫོང་སྲིད་གཞུང་གི་གཞུང་ལས་ཁང་དང་། རྫོང་འཕེལ་སྒྱུར་ཅུས། རྫོང་ཞིང་འབྲོག་གྲོང་གསེབ་ཚན་རྩལ་ཅུས། རྫོང་རིག་གནས་རླུང་འཕྲིན་ཅུས། རྫོང་རང་བྱུང་ཐོན་ཁུངས་ཅུས། རྫོང་ནགས་ལས་དང་རྩྭ་ཐང་ཅུས། རྫོང་ཆུ་བེད་ཅུས། རྫོང་གཞུང་ཁོངས་རྒྱུ་ནོར་ཀུང་སི་སོགས་འབྲེལ་ཡོད་ཚན་པའི་འགན་འཁུར་བས་མཉམ་དུ་བརྟག་ཞིབ་བྱས་པ་རེད།
责编：朱代军 审核：杨凯 向巴友珍编辑：刘红主办：炉霍县委宣传部
炉霍县融媒体中心 来源：炉霍县融媒体中心
往期推荐
【母亲节】我的妈妈是全世界最好的妈妈
【支部共建】县人大到联系点雅德乡开展结对支部共建共创活动